Թրամփը հրապարակել է Իսրայելի և Պաղեստինի սահմանների քարտեզն՝ ըստ իր առաջարկած «դարի գործարքի»
ԱՄՆ նախագահ Դոնալդ Թրամփը հրապարակել է Իսրայելի և Պաղեստինի նոր սահմանների քարտեզը՝ ըստ իր առաջարկած «դարի գործարքի»: Այս մասին նա գրել է իր թվիթերյան էջում:
«Այսպիսի տեսք կարող է ունենալ Պաղեստինի ապագա պետությունը՝ Արևելյան Երուսաղեմի հատվածում տեղակայված մայրաքաղաքով»,- քարտեզի լուսանկարին կից գրել է ԱՄՆ ղեկավարը:
«Ես միշտ կաջակցեմ Իսրայելի պետությանն ու հրեա ժողովրդին: Ես լիովին աջակցում եմ նրանց անվտանգությանը և պատմական հայրենիքում ապրելու իրենց իրավունքին: Ժամանակն է եկել խաղաղության»,- հավելել է Թրամփը:
Ինչպես նկատում է РИА Новости-ն, հրապարակված քարտեզով Պաղեստինը, ենթադրաբար, երկու մայրուղիներով կմիանա Հորդանանի սահմանային անցումներին: Պաղեստինյան Արևմտյան ափը Հորդանանից կբաժանվի իսրայելական տարածքի գծով: Ըստ Թրամփի առաջարկած քարտեզի՝ սիրիական Գոլանի բարձունքները Իսրայելի տարածք են հանդիսանում: