Татарстанда 138 укучы аттестатсыз калган

Быел Татарстанда 138 укучы бердәм дәүләт имтиханын тапшыра алмаган. Алар быел аттестат алмый кала. Гомумән алганда, республика буенча 18 меңнән артык чыгарылыш сыйныф укучысы имтихан тапшырган. Татарстан укучыларының күрсәткечләре гомумроссиянекеннән яхшырак булса да, ТР мәгариф һәм фән министры Энгель Фәттахов канәгать булмавын җиткергән. Чөнки информатика, француз теле буенча баллар түбән тәгәрәгән. Ә менә физика, география, әдәбият һәм немец теленнән сизелерлек яхшырган.

(intertat.ru сайтыннан)