Бәйге аша нәтиҗә ясала
Терлек азыгы әзерләү отрядларын кызыксындыру, эшне сыйфатлы һәм вакытында башкару, югары сыйфатлы терлек азыгы әзерләү максатында башкарма комитет беренче кат печәнне җыеп алу нәтиҗәләре буенча конкурс игълан итте. Конкурс шартлары буенча махсус комиссия, урыннарга чыгып, терлек азыгы әзерләү технологиясе үтәлешен, аның күләме һәм сыйфатын тикшереп, шулай ук куркынычсызлык техникасы, хезмәтне саклау кагыйдәләре үтәлешен исәпкә алып, җиңүчеләрне ачыклаячак. Гомуми бүләкләү фонды 300000 сум тәшкил итә һәм ул терлек азыгы әзерләүче хезмәтчәннәрне бүләкләү өчен тотылырга тиеш.