Бер ир тереләй янып үлгән
Янгын сүндерүчеләр мунчада янып үлгән иргә тап була.
Яшел Үзәннең “Рябинушка” бистәсендәге бу аянычлы хәлгә әлеге дә баягы аракы сәбәпче була. Янгын күрше мунчага күчә, шулай итеп 30 квадрат метрлы ике бакча мунчасы яна.
Фаҗига булган көнне ирләр компания белән кәеф-сафа корып утыра. Соң гына мунча ягалар. Шуннан соң ир кунакларны озаткач, мунчага кереп йоклый. Төнге бердә ут бөтен мунчаны камап ала. Янгын тәмәке белән сак эш итмәү аркасында килеп чыга.