«Սերժ Սարգսյանն ապօրինաբար էր Մարգարիտա Սիմոնյանին շնորհել «Մովսես Խորենացու» մեդալը». Դանիել Իոաննիսյան

«Իրազեկ քաղաքացիների միավորում» ՀԿ հիմնադիր, ծրագրերի համակարգող, Հանրային խորհրդի անդամ Դանիել Իոաննիսյանը ֆեյսբուքյան իր էջում գրել է. «Սերժ Սարգսյանն ապօրինաբար էր Մարգարիտա Սիմոնյանին շնորհել «Մովսես Խորենացու» մեդալը:

Համաձայն «Պետական պարգևների և պատվավոր կոչումների» մասին օրենքի 23-րդ հոդվածի՝ Մովսես Խորենացու մեդալով պարգևատրվում են մշակույթի, արվեստի, գիտության, կրթության, սպորտի բնագավառների և կրոնական գործիչները:

Մարգարիտա Սիմոնյանը պրոպագանդիստ է, որն ինքն իրեն լրագրող է համարում: Բայց ո՛չ լրագրողը և ո՛չ էլ, առավել ևս, պրոպագանդիստը չեն համարվում մշակույթի, արվեստի, գիտության, կրթության, սպորտի բնագավառների կամ կրոնական գործիչ:

Ցավոք սրտի, սակայն, օրենքը չի նախատեսում որևէ մեխանիզմ մեդալը կամ պատվավոր կոչումը հետ վերցնելու կամ ուժը կորցրած ճանաչելու համար։ Նույնիսկ՝ եթե կոչումն ապօրինի է շնորհվել:

Օրենքի այս բացն արժի կարգավորել, բայց առայժմ արձանագրենք, որ Մարգարիտա Սիմոնյանը կպահպանի Սերժ Սարգսյանից ապօրինաբար ստացած «Մովսես Խորենացու» մեդալը:

Հ. Գ. Ցավոք, ապօրինի մեդալ տալու համար նաև հնարավոր չէ քրեական պատասխանատվության ենթարկել Սերժ Սարգսյանին»:

The post «Սերժ Սարգսյանն ապօրինաբար էր Մարգարիտա Սիմոնյանին շնորհել «Մովսես Խորենացու» մեդալը». Դանիել Իոաննիսյան appeared first on ԳԱԼԱ.