Rəsmi – Cazorla`nın yeni klubu müəyyən oldu
0
Santi Cazorla İspaniya`nın Villarreal klubunu tərk etdi. ONBİR Goal.com`a istinadən bildirir ki, təcrübəli yarımmüdafiəçi gələn mövsümdən etibarən Qətərdə çıxış edəcək.
35 yaşlı yarımmüdafiəçi Barcelona əfsanəsi Xavi`nin rəhbərlik etdiyi Al Sadd klubunda çıxış edəcək. Cazorla bu mövsüm La Liga`da 11 qol və 10 məhsuldar ötürməyə imza ataraq öz adından söz etdirmişdi.
Təcrübəli oyun qurucu karyerası ərzində Villarreal, Arsenal, Malaga kimi klubların şərəfini qoruyub. Ən çox Villarreal`ın şərəfini qoruyan Cazorla 333 oyunda 57 qol ilə yadda qalaraq adını klub tarixinə yazdırmağı bacarıb.