Улады Кобрынскага раёна не пабаліся выйсці на сустрэчу да людзей

Улады Кобрынскага раёна, у адрозненне ад бярозаўскіх, па патрабаванні людзей выйшлі на сустрэчу і менавіта на тое месца, якое было ўказана ў патрабаванні. На сустрэчы было 4 кіраўнікі і больш тысячы людзей.

Пытанні, якія былі зададзеныя кіраўніцтву пісьмова, – гэта фальсіфікацыя выбараў, жорсткі разгон гараджан і пакаранне вінаватых у іх збіцці і калецтвах.

Кажа кобрынскі актывіст Аляксандр Краўчук:

– Старшыня райвыканкама Грышкевіч выбачыўся за дзеянні, якія адбыліся, перад людзьмі. З майго пункту погляду, кіраўніцтва горада не ў стане вырашыць тыя пытанні, якія падымае насельніцтва горада, бо фактычна гэта людзі праўладныя, людзі Лукашэнкі. І яны баяцца за сваю будучыню, баяцца свайго гаспадара.

Начальнік Кобрынскай міліцыі Андрэй Дулевіч не прабачыўся перад людзьмі, сказаў, што міліцыя дзейнічала законна. Сустрэча доўжылася паўтары гадзіны. Вынікамі яе людзі засталіся незадаволеныя.

Цалкам матэрыял слухайце ў далучаным файле:

Беларускае Радыё Рацыя