Өч балалы машина авариягә эләккән
Татарстан трассасында өч бала утырып бара торган «Форд Фокус» юл читендә туктап торучы йөк машинасына килеп бәрелгән.
Бу хәл бүген иртән Мамадыш районында була. Авария нәтиҗәсендә биш кеше зыян күрә. Шуларның өчесе балалар. Икесенә җидешәр яшь, берсе бер яшьлек сабый. Җиңел машинадагы гаилә Пермь краеннан, Казанга аквапаркка бара торган була. Әни кеше белән балаларны Алабуга шифаханәсенә илтәләр.