Кәефне күтәрергә мәзәкләр
– АКШ ерак бит ул, Барак Обама Украинадагы хәлләр турында каян белеп тора икән?
– Петр Порошенкодан.
– Ә Порошенко каян белә?
– Обамадан инде.
Бала тудыру йортында авырлы хатын янына төнлә фәрештә килә һәм болай ди:
– Син – бик изге кеше. Шуңа күрә, теләсәң, тулгак вакытындагы авыртуларыңның яртысын балаңның әтисенә күчерәм.
Хатын каршы килми – шул төнне бала да таба. Ә икенче көнне аның янына, хәлен белешергә дип, ире килә. Хатыны шикләнеп кенә сорау бирә:
– Бүген төнлә ничек йокладың, җаным?
– Бик үк тыныч булмады шул. Күрше фатирдагы Алмаз төне буе бала тапкан хатын шикелле акырып чыкты.
– Ишеттеңме әле, Фәрит туйдан соң тотлыга башлаган икән...
– Ни булган?
– Аның әбисенең, ягъни «теща»сының игезәк сыңары да бар икән. Ул аларның икесен бергә күргән...