Нови 913 заразени и рекорден број починати-24 луѓе за 24 часа

Во последните 24 часа се направени 2731 тестирања, а регистрирани се 913 нови случаи на ковид-19 информира вечерва Министерството за здравство. Најголем број новозаразени има во Скопје 459, а потоа следуваат Велес 79, Прилеп 78, Тетово 44, Охрид 37, Битола 33, Струмица 26, Куманово 25, Кавадарци 24, Штип 18, Струга 11 и Делчево 10. Другите градови имаат по едноцифрена бројка заболени.

Во изминатите 24 часа регистриран е рекорден број починати- 24 луѓе, од кои највозрасните 82 години, а најмладиот на 37 години. Претходно најмногу починати за едно деноноќие беа регистрирани на први ноември, 21 лице. Денеска Институтот за јавно здравје регистрира 421 оздравени пациенти.

Со ова вкупната бројка на ковид дијагностицирани во нашата земја од почетокот на епидемијата изнесува 33908, бројката на оздравени пациенти е 21665, на починати е 1049, а бројот на активни случаи изнесува 11194. Досега во земјата се направени вкупно 255.904 тестирања на Ковид-19.