Фарғона водийсида кузатилган зилзила кучи 3 баллгача етди

Жорий йилнинг 12 ноябрида Тошкент вақти билан 13:25 да Ўзбекистонга қўшни бўлган Қирғизистонда зилзила содир бўлди. Бу ҳақда Фавқулодда вазиятлар вазирлигининг Сейсмопрогностик мониторинг республика маркази маълумот тарқатди.


Қайд этилишича, зилзила маркази жанубий-шарқий йўналиш бўйича пойтахт Тошкентдан 368 километр олисликда бўлган. У ерда зилзила магнитудаси 4,8 га тенг бўлган.


Ер силкиниши кучи Ўзбекистоннинг Фарғона вилоятида 2 балл, Андижонда 3 балл, Наманганда эса 3 баллга етган.