Американинг Pfizer компанияси билан бирга самарали экани айтилаётган коронавирус вакцинасини ишлаб чиққан BioNTech компаниясининг эгалари асли туркиялик экани маълум бўлди. Deutsche Welle хабарида айтилишича, компанияга ота-оналари Германияга меҳнат муҳожири сифатида келган Уғур Шоҳин ва унинг рафиқаси Ўзлем Турежи асос солган. Уғур Шоҳин Улар бошчилигида ишлаб чиқилган ва ишчи номи BNT162b2 бўлган вакцина билан Германия ва Европа Иттифоқи аҳолиси эмланиши кутилмоқда. Аниқланишича, мазкур вакцинанинг самарадорлиги 90 фоизни ташкил этмоқда. Вакцина ҳали рўйхатдан ўтказилмаган бўлса-да, Европа Иттифоқи аллақачон буюртма бериб бўлди. Профессор Уғур Шоҳин BioNTech компания акцияларининг 18 фоизига эгалик қилади, у 60 та патент эгаси ҳамдир ва Германиянинг энг бой 100 кишисидан бири ҳисобланади. Уғур Шоҳин тўрт ёшлигида унинг оиласи Туркиядан Кёльнга кўчиб келган, отаси шу ердаги автозаводда оддий ишчи бўлиб ишлаган.
