Шайхонтоҳурда ОИВга чалинган, интим хизматлар кўрсатаётган бир гуруҳ шахслар қўлга олинди
Улар муқаддам СПИДга қарши кураш марказларида рўйхатда турган ва бошқа шахслар билан яқин алоқада бўлишнинг оқибатлари ҳақида огоҳлантирилган.
2020 йилнинг 28 октябрь куни ИИВ ЖҚББ ходимлари томонидан "Вазира" ва "Доно" ва бошқа шахслар интернет тармоғига ўзларининг телефон рақамини жойлаштириб, моддий манфаатдорлик эвазига жинсий алоқа билан шуғулланаётганлиги тўғрисида тезкор маълумот олинди. Бу ҳақда ИИВ ЖҚББ Гиёҳвандлик воситалари билан қонунга хилоф равишда муомала қилишга қарши курашиш бошқармаси маълум қилди.
ИИВ ЖҚББ ва Шайхонтоҳур тумани ИИО ФМБ ходимлари билан ҳамкорликда ўтказилган тезкор тадбирда Шайхонтоҳур туманининг кўчаларидан биридаги хонадон текширилганда 25 ёшли бўйдоқ, муқаддам судланмаган, ОИВ инфекциясига чалинган, вақтинча ишсиз, вилоятлардан бирида доимий рўйхатда турувчи Ш.О.31 ёшли, муқаддам судланмаган, вақтинча ишсизС.У.ни мижозга 1.000.000 сўм эвазига икки маротаба жинсий алоқа қилишлари учун қўшиб, уларга ушбу хонадонни алоҳида хонасидан жой ажратиб, шароит яратиб берганлиги аниқланиб, Ш.О.дан холислар иштирокида 1.000.000 сўм пуллар далилий ашё тариқасида олинди.
Бундан ташқари, ушбу хонадонда маълум миқдордаги пул эвазига мижозларга интим хизмат кўрсатаётган "Трансвестит" шахслар - 23 ёшли бўйдоқ, муқаддам судланмаган, ОИВ инфекциясига чалинган, вақтинча ишсиз, Б.Д., 28 ёшли бўйдоқ, муқаддам судланмаган, ОИВ инфекциясига чалинган, вақтинча ишсиз, З.Н., 26 ёшли бўйдоқ, муқаддам судланмаган, вақтинча ишсиз, Г.Ф.лар ушланди (исм-шарифлари ўзгартирилган).
Олиб борилган суриштирув ҳаракатлари давомида юқорида кўрсатилган шахслар муқаддам СПИДга қарши кураш марказларида инфекция билан касалланганлиги ва улар бошқа шахслар билан жинсий алоқа қилган тақдирда Жиноят кодексининг 113-моддаси бўйича жиноий жавобгарликка тортилиши ҳақида тилхат олиниб, огоҳлантирилганлиги аниқланди.
Бундан ташқари, ушбу шахслар Тошкент шаҳрининг турли туманларидаги хонадонларни ижарага олиб, у ерда ҳам интернет орқали мижозлар қабул қилиб, уларга интим хизмат кўрсатганликлари маълум бўлди.
Мазкур ҳолат юзасидан юқорида номлари қайд этилган шахсларга нисбатан тегишли ҳужжатлар расмийлаштирилиб, қонуний чора кўриш учун Шайхонтоҳур тумани ИИО ФМБ 2-сонли ИИБга топширилди.