ქართველმა სპორტულმა ჟურნალისტებმა ვლადიმირ ვაისის პრესკონფერენცია დაწყებამდე დატოვეს
მასმედიის წარმომადგენელთა აზრით, გუნდის სლოვაკმა მთავარმა მწვრთნელმა - ვლადიმირ ვაისმა უპატიებელი ტაქტიკური შეცდომები დაუშვა, შეცვლები ზედმეტად დააგვიანა და წაგებული თამაშის გადასარჩენად არაფერი გაუკეთებია.
ვიდრე ჟურნალისტები ნაკრების თავკაცს პროტესტის მიზეზს მოახსენებდნენ, ვაისმა მოასწრო მოკლე კომენტარის გაკეთება - ქართველ გულშემატკივრებს იმედის გაცრუების გამო ბოდიში მოუხადა. თქვა, რომ წარუმატებლობას მთლიანად საკუთარ თავზე იღებს და... ცხოვრება გრძელდება.
საქართველოს ნაკრები დღევანდელი შეხვედრის მოგების შემთხვევაში, ევროპის 2021 წლის ჩემპიონატის ფინალური ეტაპის საგზურს ინაღდებდა.