Արագածի տարածաշրջանում, Սպիտակ, Վանաձոր քաղաքներում ձյուն է տեղում. Լարսը փակ է բեռնատարների համար
Արտակարգ իրավիճակների նախարարությունը տեղեկացնում է, որ ՀՀ տարածքում ավտոճանապարհներն անցանելի են:
Շիրակի մարզի Ջաջուռ գյուղի ճանապարհին առկա է մերկասառույց։
Արագածոտնի մարզի Արագածի տարածաշրջանում (մառախուղ է) եւ Լոռու մարզի Սպիտակ, Վանաձոր քաղաքներում տեղում է ձյուն:
Սպիտակի ոլորաններում եւ Արագածոտնի մարզի Աշտարակ քաղաքում մառախուղ է։
Լարսի մասին
Վրաստանի ՆԳՆ ԱԻ դեպարտամենտից եւ ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ արտակարգ դրությամբ պայմանավորված, Ստեփանծմինդա-Լարս ավտոճանապարհը տեղումների պատճառով փակ է բեռնատար տրանսպորտային միջոցների համար։
ՀՀ ԱԳՆ-ից ստացված տեղեկատվության համաձայն՝ օտարերկրացիների՝ Վրաստան մուտքն արգելող որոշումը շարունակում է ուժի մեջ մնալ։ Արգելքը չի վերաբերում բեռնափոխադրումներին։
The post Արագածի տարածաշրջանում, Սպիտակ, Վանաձոր քաղաքներում ձյուն է տեղում. Լարսը փակ է բեռնատարների համար appeared first on ԳԱԼԱ.