Коронавирусдан тузалиб чиққанлар тишлари тушаётганидан шикоят қилди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: Centromedicoairam.it Коронавирусдан тузалиб чиққанлар тишлари тушаётганидан шикоят қилди. «РБК» Американинг Huffington Post нашрига таяниб ёзишича, шифокорлар ушбу симптом COVID-19 билан боғлиқлигини расман тасдиқламаган. Жабрланганлар тиш ва милк билан боғлиқ муаммоларга дуч келаётгани ҳақида ижтимоий тармоқларда маълум қилган. Тиш тушишидан ташқари, айрим беморлар COVID-19’дан сўнг милк оғриғи пайдо бўлганини билдирган. Бундай аломатлар ҳақида хабар берган беморларнинг аксариятида илгари тиш билан боғлиқ муаммолар бўлмаган. Қон томирлари биологи ва Ангиогенез фонди тиббий директори Уильям Ли коронавирус қон айланиш тизимининг ишига тўсқинлик қилишини тушунтирди. «Жағингиз қон томирларига жуда бой», — деган мутахассис ва у тишларнинг ички қисмини тўлдириб туришини таъкидлаган. Мутахассиснинг фикрича, қон оқими тишлар тушиши билан боғлиқ муаммоларга олиб келади. Унинг таъкидлашича, тишлари қонсиз тушганини айрим беморларнинг сўзлари тасдиқламоқда. Бу эса унга қон кириш йўли тўсиб қўйилганидан далолат беради. Биологнинг огоҳлантиришича, қон томирларининг шикастланиши COVID-19’дан тиклангандан кейин ҳам сақланиб қолади, шу сабабли тишлар коронавирус асоратлари йўқолгандан кейин ҳам тушишни бошлаши мумкин. Нью-Йоркдаги Жаҳон соғлиқни сақлаш директори Эрик Чио-Пенанинг таъкидлашича, янги симптом аниқлангани ҳақида гапиришга ҳали эрта, чунки ҳозирча бунга етарлича маълумот йўқ. Аввалроқ Буюк Британия ва АҚШ шифокорлари коронавирусга чалинишнинг дастлабки босқичида пайдо бўладиган тўртта кенг тарқалган симптомларни маълум қилганди. Вирусолог, тиббиёт фанлари доктори ва Россияда хизмат кўрсатган фан арбоби Анатолий Алтштейн коронавируснинг асосий симптомлари иситма, йўтал, томоқ оғриғи, ҳид ва таъм билишни йўқотиш эканлигини маълум қилган. Шунингдек, бошқа симптомлар ҳам кузатилиши мумкинлигини, лекин асосий 5 та симптомлар бўлмаса, қолганларига эътибор бермаса ҳам бўлишини айтган.
