“Барселона” бош мураббийи Рональд Куман жамоасининг Испания чемпионати доирасида “Атлетико”га (0:1) мағлубиятига изоҳ берди. “Қачонки вазият кутилганидек кечмаётган вақтда доим мураббий айбдор бўлади. Биз бир жамоа бўлиб меҳнат қилаяпмиз, аммо кундан кунга яхшироқ бўлишимиз талаб этилади. Пике ва Робертонинг жароҳати? Шубҳасиз улардан хавотирдаман. Бироқ ҳозирча футболчиларимнинг ҳолати ҳақида аниқ бир гап айтолмайман. Биринчи бўлим сўнггида тўпни назорат қилиб туриб, гол ўтказиб юборишимиз кечирилмас хатодир. Бундай ҳолат умуман такрорланмаслиги керак”, дея Куманнинг сўзларидан иқтибос келтирмоқда Marca.
