Йөзү буенча чемпионнар әзерләү максаты куела
Спортның су төрләре буенча дөнья чемпионатын ябу тантанасы Казанда моңа кадәр күрелмәгән искиткеч тамаша белән билгеләнде. Анда суның әһәмиятенә басым ясалды. ТР Президент вазифаларын вакытлыча башкаручы Рөстәм Миңнеханов һәм ФИНА президенты Хулио Маглионе ФИНА әләмен Венгрия Премьер-министры Виктор Орбанга тапшырдылар. Чөнки ике елдан әлеге чемпионат Венгрия башкаласы Будапештта үтәчәк.
Су төрләре буенча дөнья чемпионатын безнең Зәй районы йөзү буенча тренерлары да үтә кызыксынып күзәтте. Хәзер безнең максат - йөзү буенча чемпионнар әзерләрлек дәрәҗәдә эшләү, ди тренер Рәйсә Галимова.