Сак булыгыз, кабельләрдә көчәнеш булуы бар!
Әлмәтнең Мәрҗани урамында кабельләр салынып, җиргә үк тиеп тора.
Үзәк мәчеткә илтә торган җәяүле юлында хасил булган әлеге үткәргечләр берничә көн шул килеш тора инде. Шәһәрнең “Светсервис” оешмасына шалтыратып, кабельләрнең электрныкы булмавын ачыкладык. Оешма белгечләре кара төстәге үткәргечләрне элемтәчеләрнеке ди.
“Таттелеком” оешмасында кабельләрдән шулай ук "баш тарттылар". Бәлки хуҗасы бу фотоны күреп үзе таныр?!