Әлмәт полиция хезмәткәрләре балалар белән зарядка ясый
Россия Эчке эшләр министрлыгының Әлмәт районы бүлеге хезмәткәрләре Физкультурачы көнен “Орленок” сәламәтләндерү лагеренда ял итүчеләр белән билгеләп үтте.
Үзе полицейский, үзе чемпион Сергей Алеханов белән очрашуга балалар гына түгел, лагерьда эшләүче барлык хезмәткәрләр дә җыелды. Сергей – полиция майоры, дзюдо һәм самбо буенча халыкара спорт мастеры. Самбо буенча дөнья кубогы иясе Таатрстан Эчке эшләр министрлыгының җыелма командасы составына кертелгән.
Футбол мәйданчыгында булган очрашу барышында Сергей балаларга төрле күнегүләр күрсәтте. Ял итүчеләр дә үз чиратында кунакларга иҗади бүләк – көнчыгыш биюләре әзерләгән иде.