14 яшьлек кыз бала күршесендә яшәгән әби-карчыкны үтергән
Әлеге хәл Томск өлкәсенең Колпашево шәһәрендә булган. 14 яшьлек мәктәп укучысы күршесендә яшәгән 85 яшьлек әби-карчыкка йөздән артык тапкыр пычак белән чәнчегән.
Әлеге җинаять 4 августта кылынса да, үтерүдә шикләнелүче кызны бер атналап вакыт узгач кына тоткарлый алганнар. Тикшерү комитеты тарафыннан җинаять эше кузгатылган. Җинаять кылуда шикләнелүче кыз сак астына алынган. Кулга алынучы әйтүенчә, ике арада бәхәс чыккан, әби-карчык кызга суккан һәм соңгысы аңа пычак белән ташланган. Тикшерү эше дәвам итә.
http://intertat.ru/tt/yanalyklar/item/47343-14-yashlek-kyiz-bala-kүrshesendә-yashәgәn-әbi-karchyiknyi-үtergәn.html
Фотосы: rus-img.com