Агымдагы елның 17 августыннан  Зәйдә җылылык өчен максатчан субсидия бирүгә хокукны яңадан рәсмиләштерү башланып, ул 13 ноябрьгә кадәр дәвам итәчәк. Мондый рәсмиләштерүләр өч ел рәттән инде язын һәм көзен башкарыла. Гариза бирүчегә документлар тапшырганда, кабат теркәлү срогы күрсәтелгән расписка һәм белешмә (уведомление) бирелә, социаль яклау бүлегенә әлеге расписка нигезендә мөрәҗәгать итәргә кирәк . Моның өчен алдан язылу зарур. Әлеге җәһәттән дәүләт хезмәте порталыннан файдаланырга да була. Шунысы игътибарга лаек, бу чорда социаль яклау хезмәте кичке сәгать 6га кадәр һәм шимбә көннәрендә дә эшләячәк.