(Кукмара, 5 гыйнвар, «Татар-информ», «Хезмәт даны» , Алсу Сәләхетдинова). Бүген 2021 елның 5 гыйнварында Кукмара шәһәренең Комсомол мәйданында районара «Кукмара итекләре-2021» фестиваль-күргәзмәсе (#ITEKFEST) була. Бу турыда район басмасы хәбәр итә. Программада иҗади күргәзмәләр, мастер-класслар, ярышлар, татар эстрадасы артистлары катнашында концерт һәм башкалар бар. Программага шулай ук катнашучыларны теркәү, күргәзмәләрне, сәүдә нокталарын урнаштыру, төшке аш, «Осталар шәһәре (иҗади күргәзмәләр, мастер-класслар), фестивальне тантаналы төстә ачу, район командалары арасында ярышлар, җиңүчеләрне бүләкләү, татар эстрадасы артистлары катнашында концерт кертелгән.
