(Казан, 5 гыйнвар, «Татар-информ»). Россия территориясендә 2021 елның 1 гыйнварыннан, бер эвакуацион чыгу юлы гына булган очракта, сәламәтләндерү учреждениеләре һәм ял оешмаларында бинаның бер катында уннан артык баланы урнаштыру тыела. Бу хакта РИА Новости агентлыгы хәбәр итә. «Балаларның ялын оештыру һәм аларны сәламәтләндерү биналарында, бер эвакуацион чыгу юлы гына булган очракта, бер катта уннан артык баланы урнаштырырга ярамый», - диелә Хөкүмәт тарафыннан расланган Россия Федерациясендә янгынга каршы режим кагыйдәләрендә. Шул хактагы документ хокукый мәгълүмат интернет-порталында дөнья күргән. Карар 2026 елның 31 декабренә кадәр гамәлдә булачак.
