(Казан, 5 гыйнвар, «Татар-информ»). Татарстанда соңгы тәүлектә Covid-19 коронавирус инфекциясе йоктыруның 95 яңа очрагы ачыкланган. Бу хакта ТР Сәламәтлек саклау министрлыгының матбугат хезмәте хәбәр итә. «Өч кеше чирне читтә йоктырып кайткан, калганнары башка авырулар белән аралашу нәтиҗәсендә эләктергән. 29 кеше хастаханәгә озатылган, 66 кеше өендә дәвалана», — диелә ведомство хәбәрендә. Инфекция йоктыручыларның күбесе 30-50 яшь аралыгында - 26 кеше ачыкланган. Казанда — 52, Чаллыда — 2, Әгерҗе районында — 3, Аксубай районында — 1, Актаныш районында — 1, Арча районында– 2, буа — 5, Алабуга — 1, Яшел Үзән — 3, Кайбыч - 1, Кама Тамагы — 1, Лениногорск — 6, Менделеевск районында — 1, Минзәлә районында — 1, Түбән Кама районында — 4, Яңа Чишмә районында — 1, Нурлат районында — 7, Тукай районында — 1, Чистай районында — 2 кеше авыру йоктырган. Эпидемия башланганнан алып республикада коронавирус инфекциясенең 13 728 очрагы ачыкланган, 10 821 кеше (шуларның 23е – узган тәүлектә) терелгән.
