Тўрақўрғонда ароқдан заҳарланган икки киши вафот этди

Ўтган йил якунида Наманган вилояти Тўрақўрғон туманида ароқдан заҳарланган 12 киши касалхонага ётқизилди. Улардан икки нафари вафот этган.


Бош прокуратуранинг маълум қилишича, улар Қирғизистонда ишлаб чиқарилган “Градусник” ароғидан заҳарлангани аниқланди.


Хабарда айтилишича, заҳарланиш ҳолатлари 29-31 декабрь кунлари қайд этилган.


Туман прокуратураси мазкур ҳолат юзасидан жиноят иши очди ва тергов ҳаракатларини олиб бормоқда.