АҚШнинг USS Nimitz кемаси Форс кўрфазида қолади
АҚШ мудофаа вазири вазифасини бажарувчи Кристофер Миллер Эрон “президент Трамп ва АҚшнинг бошқа расмийларига нисбатан таҳдидлар қилгани учун” USS Nimitz кемаси Форс кўрфазидан чиқарилмаслигини маълум қилди.
Бундан бир кун олдин The New York Times газетаси ноябрь ойи охирларидан бошлаб Форс кўрфазини назорат қилаётган Nimitz кемаси АҚШга қайтаётгани тўғрисида хабар берганди.
Эрон 2020 йилнинг 31 декабрида генерал Қосим Сулаймоний ўлими учун АҚШдан ўч олинишини билдирган эди.
Эрон ташқи ишлар вазири Муҳаммад Зариф АҚШ президенти Дональд Трампни Эронга ҳужум қилиш учун баҳона ўйлаб топишда айблади ва Эрон ўзини фаол ҳимоя қилиш йўлида чора кўришини айтди.
Генерал Сулаймоний ўтган йилнинг 3 январида Бағдод шаҳрида АҚШ кучлари томонидан берилган ҳаво зарбаси оқибатида ҳалок бўлганди.