Камандаванне УС ЗША перадало беларусам медабсталяванне
Камандаванне ўзброеных сіл ЗША ў Еўропе бязвыплатна з мэтай супрацьдзеяння распаўсюджванню COVID-19 перадало Галоўнаму ваеннаму клінічнаму медцэнтру Узброеных сіл Беларусі ў Менску аналізатар газавага складу крыві, паведамляе прэс-служба Мінабароны.
Цырымонія перадачы бязвыплатнай дапамогі адбылася 5 студзеня ў Цэнтральным доме афіцэраў УС Беларусі. Беларускую дэлегацыю ўзначаліў начальнік ваенна-медыцынскага ўпраўлення Мінабароны Дзмітрый Альховік, амерыканскую — аташэ па пытаннях абароны пры пасольстве ЗША ў Мінску Джэйсан Лі Такер.
„Перададзенае дыягнастычнае абсталяванне дазваляе ацэньваць змены ў газавым складзе крыві і аператыўна прымаць рашэнне па карэкціроўцы тактыкі лячэння пацыента, — патлумачылі ў Мінабароны. — Асаблівую ролю аналізатар газавага складу крыві іграе ў дыягностыцы і, як следства, выбары лячэння ў пацыентаў з каранавіруснай інфекцыяй, у якіх захворванне працякае ў сярэднецяжкай і цяжкай формах”.
„Міністэрства абароны Рэспублікі Беларусь выказвае ўдзячнасць камандаванню ўзброеных сіл Злучаных Штатаў Амерыкі ў Еўропе і пасольству ЗША за аказаную дапамогу”, — адзначылі ў ваенным ведамстве.