Хасаров ШаIрани. Нана-мохк

 




Нана - мохк


Туьйранехь дуьйцучех терра

Хиш хьаьвди, бердаш гатделла.

Аренца илли а аьлла,

КIайн бIаьсте лаьмнашка яьлла.


Юха а, буьйв - бохуш кIентий,

ЦIенош деш, хьийзаш бу нохчий.

И сурт ду даим гург суна

Нана - мохк бевзича дуьйна.


Иштта латийначу кхерчахь

ЦIе алссам йовхо луш, йогу,

ГIад доьдий, ага а техка,

КIентий беш кхаьънаш а доху.


Шен амалш гойту дуьненна ,

Кхуззара, болалой, махко.

Со даим воккхавуьйш лелла

Суо хиларх ломара нохчо.

1977 ш.