Влада: Обезбедени вакцини против ковид за цела 2021

Владата на денешната 37 седница го разгледала и усвоила  записникот од последниот состанок на Главниот координативен кризен штаб за обезбедување целосна координација во врска со спречување на внесување и ширење на Ковид-19.


Министерот за здравство Венко Филипче ги информирал и членовите на Владата дека по интензивни преговори се обезбедени количини на вакцини за цела 2021 година, дека од компанијата „Фајзер“, се очекуваат првите над 5.800 вакцини и дека во тек се преговори и со други компании, соопшти владината прес-служба.


Министерот Филипче информирал дека значително е намален притисокот на болниците и дека капацитетите за сместување на ковид болните лица се полупразни и било констатирано дека мерките донесени од Владата во последниот период за намалување на ширењето на коронавирусот донеле резултати.


Обезбедени вакцини против ковид за цела 2021, првата пратка во февруари


Владата на редовната седница ја разгледала и усвои информацијата за давање согласност за преземање обврски на Министерството за здравство за набавка на вакцини за континуирана имунизација и вакцини по епидемиолошки индикации за потребите на населението за тригодишен период и тоа од јануари 2021 – декември 2023 година, се дополнува во соопштението