Татарча азу
400 г ат ите, 1,5 а.к. эретелгән сары май, 1-2 помидор, 1 әр суган һәм тозлы кыяр, 3 бәрәңге, 1 тырнак сарымсак, тәменчә тоз, борыч, яшел тәмләткечләр.
Ат итен калынлыгы – 2, озынлыгы 4 см лы итеп турарга. Майда кыздырып алганнан соң, кәстрүлгә бушатырга. Тоз, борыч сибәргә.
Шунда ук кыздырылган суган, помидор салырга һәм шулпа агызып, 25-30 минут кайнатырга.
Эре шакмаклап турап кыздырылган бәрәңге, вак итеп туралган тозлы кыяр өстәргә һәм кайнатырга.
Табынга биргәндә вакланган сарымсак һәм яшел тәмләткечләр сибәргә.