Զելենսկին հայտարարել է, որ Ռուսաստանի կողմից ավիահաղորդակցության դադարեցման պայմաններում պետք է մեծացնել ուկրաինացի զբոսաշրջիկների հոսքը դեպի Թուրքիա
Ուկրաինայի նախագահ Վլադիմիր Զելենսկին հայտարարել է, որ ռուսական կողմից Թուրքիայի հետ ավիահաղորդակցության դադարեցման պայմաններում պետք է էապես մեծացնել ուկրաինացի զբոսաշրջիկների հոսքը դեպի Թուրքիա, հաղորդում է RT-ն:
Զելենսկին ասել է, որ ապրիլի 10-ին Թուրքիայի կատարած այցի ժամանակ Էրդողանի հետ քննարկել է փոխադարձ տուրիզմի համար բարենպաստ պայմաններ ձևավորելու հարցը: Ռուսաստանի կողմից ավիահաղորդակցության դադարեցումը, ըստ Զելենսկու, առավել քան անհրաժեշտ է դարձնում աջակցությունն ու համագործակցությունը Թուրքիայի և Ուկրաինայի միջև:
Ռուսաստանը Թուրքիայի հետ, ըստ պաշտոնական հայտարարությունների, ավիահաղորդակցությունը դադարեցրել է Թուրքիայում կորոնավիրուսային իրավիճակի վատթարացման պատճառով: