Тошкентдаги полиэтилен маҳсулотлари ишлаб чиқарувчи цехда катта ёнғин содир бўлди
Бу ҳақда маълумот тарқатган Фавқулодда вазиятлар вазирлиги матбуот хизмати ёнғинга оид хабар вазирлик навбатчи қисмига 15 апрель соат 23:08 да келиб тушганини билдирган.
Бунинг ортидан ҳодиса юз берган жойга 12 та ёнғин-қутқарув экипажи етиб борган. Дастлабки маълумотларга кўра, аланга тақрибан 1000 квадрат метр майдонни қамраб олган. Қутқарувчилар 16 апрель куни соат 00:10 ларда ёнғинни жиловлашга, соат 02:05 да эса ўчиришга муваффақ бўлганлар.
ФВВ ёнғин натижасида қурбон бўлган ва жароҳатлар олган йўқлигини маълум қилган. Ёнғин сабаблари ҳамда ундан етган зарар миқдори мутахассислар томонидан аниқланмоқда.