ԱՄՆ-ում ակնագունդ հիշեցնող խորհրդավոր ծովային արարածը խայթել է 8-ամյա տղային (լուսանկարներ)
ԱՄՆ-ում ակնագունդ հիշեցնող խորհրդավոր ծովային արարածը խայթել է 8-ամյա տղային, գրում է Mirror-ը։
Պարբերականի հաղորդմամբ՝ խորհրդավոր արարածին տղան և նրա մայրը հանդիպել են Տեխաս նահանգում՝ Մեքսիկական ծոցի ափին գտնվող Mustang Island State Park-ում։
Երեխայի մոր՝ Ջենիֆեր Բալտազարի խոսքով՝ տղան ափին խաղալիս է եղել, երբ զգացել է խայթոցը։
«Նա հանկարծ վազեց ինձ մոտ ու ասաց, որ ինչ-որ արարած խայթել է իրեն»,- ասել է 36-ամյա Ջենիֆերը՝ նշելով, որ տղան գրեթե 20 րոպե շարունակ ցավ է զգացել։
Կնոջ խոսքով՝ այդ ընթացքում վազել է ափ՝ պարզելու, թե ինչ կենդանի է խայթել երեխային և բացահայտել է «ակնագնդի տեսք ունեցող դոնդողանման արարածի»։
Ավելի ուշ կենսաբան Ջեյս Թունելը հայտնել է, որ խորհրդավոր արարածը կարող է մեդուզայի տեսակ լինել։