ენტონი ბლინკენი: ავღანეთში არც ერთ მხარეს არ აქვს სამოქალაქო ომის ინტერესი
ბლინკენმა, პრესკონფერენციაზე, როცა სამოქალაქო ომის გაჩაღების შესაძლებლობაზე ლაპარაკობდა, განაცხადა, რომ „თალიბანიც, როგორც შევიტყვეთ, ამბობს, რომ არ აქვს ინტერესი“ სამოქალაქო ომისა.
ბლინკენმა ხაზი გაუსვა, რომ თალიბანს სურს საერთაშორისო აღიარება და უცხოეთიდან ავღანეთისთვის მხარდაჭერა, მისი ლიდერების თავისუფლად მოგზაურობის უფლების ჩართვით, და „ომი თუ გაჩაღდა, ეს ყველაფერი შეუძლებელი იქნება“.
ბლინკენმა, ამასთან, გააფრთხილა თალიბანი, რომ აშშ-ის ჯარებზე ქვეყნიდან გასვლისას თავდასხმა თუ მოხდა, ამას მოჰყვება „ძალიან ძლიერი პასუხი“.
ბლინკენმა ქაბულში რვა საათი დაჰყო და ესაუბრა ოფიციალურ პირებს ვაშინგტონის გეგმის შესახებ, მისმა ჯარმა ქვეყანა 11 სექტემბრისთვის დატოვოს.
14 აპრილს ნატოს წევრები შეთანხმდნენ, 1 მაისიდან დაიწყონ ავღანეთიდან ჯარების გაყვანა მას შემდეგ, რაც აშშ-მა გამოაცხადა, რომ ის თავის ჯარებს 11 სექტემბრამდე გაიყვანს.
14 აპრილს აშშ-ის პრეზიდენტმა ჯო ბაიდენმა თეთრ სახლში გამოაცხადა, რომ აშშ-ის 2500-კაციანი კონტინგენტი 11 სექტემბრისთვის, ამერიკის ტერიტორიაზე განხორციელებული ტერაქტების 20 წლისთავისთვის, დაასრულებს ავღანეთიდან ჯარების გაყვანას.
აშშ-ის გარდა ავღანეთში ჯარები ჰყავს ნატოს წევრ და ნატოს პარტნიორ 35 ქვეყანას, მათ შორის საქართველოს. მოკავშირეთა ჯარების საერთო რაოდენობა ამ მომენტისთვის 9600 სამხედროს შეადგენს.