Россия туристлары гамәлдән чыгарылган юллама акчасын кире кайтара алачак
(Казан, 16 апрель, «Татар-информ»). Россия туристлары башка илләргә туристик юлламалар өчен 31 мартка кадәр түләнгән очракта, акчаны кире кайтара ала. Тиешле боерыкка Россия Премьер-министры Михаил Мишустин кул куйды.
Акча туроператорның шәхси җаваплылыгы фондыннан түләнәчәк.
«Туристларга һәм (яки) башка заказчыларга чит ил туризм өлкәсендә алар тарафыннан түләнгән туристик продукт өчен 2020 елның 31 мартына кадәр төзелгән шартнамәләр буенча акчалата суммаларны кире кайтарырга», - диелә хокукый мәгълүматның рәсми порталында басылган документта.