Հնդկաստանում հավատացյալները պարում են մարդկային գանգերի հետ՝ աստվածներից անձրև և լավ բերք ստանալու ակնկալիքով
Փառատոնի շրջանակում հավատացյալները դուրս են եկել Հնդկաստանի Բարդհաման քաղաքի փողոցներ եւ պարել մարդկային գանգերի հետ՝ հնդկական աստվածներին սիրաշահելու համար:
Լուսանկարներում պատկերված են գունագեղ հանդերձանքով երջանիկ բնակիչները, ովքեր ձեռքերում մարդկային գանգեր են պահում:
Գաջանի փառատոնը սովորաբար տարվա այս եղանակին նշվում է Արևմտյան Բենգալիայում:
Հանդիսատեսները, ովքեր հավաքվել են քաղաքի փողոցների եզրին և խանութների մոտ, զմայլված ու հիացած դիտում են եւ հեռախոսներով նկարահանում արարողությունը:
Լուսանկարիչ Ավիշեկ Դասի խոսքերով, Բենգալյան օրացույցի վերջին օրը, ապրիլի կեսերին, հատկապես նվիրված հավատացյալները երկրպագում են մեռյալներին, որպեսզի սիրաշահեն Շիվային և աստծուց խնդրեն ավելի շատ անձրև և բերք. դա ավանդական պրակտիկա է, որը շարունակվում է բազում դարեր:
Բերքահավաքից առաջ տոնի կենտրոնական թեման աստվածների գոհունակությունն է՝ ցավով, աղոթքով և զոհաբերությամբ:
Տարածաշրջանի այլ վայրերում հավատացյալներն իրենց ծակծկում են երկաթե ձողերով և կեռիկներով՝ ցույց տալով իրենց նվիրվածությունը Շիվային՝ առատ բերք ստանալու հույսով:
The post Հնդկաստանում հավատացյալները պարում են մարդկային գանգերի հետ՝ աստվածներից անձրև և լավ բերք ստանալու ակնկալիքով appeared first on ԳԱԼԱ.