Ողջ աշխարհում կորոնավիրուսից մահացածների ընդհանուր թիվը մոտենում է 3 միլիոնին. ТАСС
Ողջ աշխարհում կորոնավիրուսով վարակված մարդկանց թիվը գերազանցել է 140 միլիոնը՝ վերջին 24 ժամում ավելանալով 805 794-ով, ТАСС-ի փոխանցմամբ՝ հայտնում է Առողջապահության համաշխարհային կազմակերպությունը:
ԱՀԿ տվյալներով՝ կորոնավիրուսից մահացածների թիվն աշխարհում հասել է 2 992 193-ի, որից 13 171-ը վերջին մեկ օրում է գրանցվել:
ԱՀԿ-ն հաշվի է անում միայն պաշտոնապես հաստատված տեղեկությունները, որոնք տրամադրում են երկրները:
Վերջին 24 ժամում գրանցված վարակման նոր դեպքերի ավելի քան 34 տոկոսը բաժին է ընկնում Եվրոպային (239 757), երկրորդ տեղում է Հյուսիսային և Հարավային Ամերիկան (238 987), երրորդ տեղում՝ Հարավարևելյան Ասիան (247 238):
Վարակման ամենից շատ դեպքեր են արձանագրվել ԱՄՆ-ում, Բրազիլիայում, Հնդկաստանում, Ֆրանսիայում, Ռուսաստանում, Մեծ Բրիտանիայում, Թուրքիայում, Իտալիայում, Իսպանիայում, Լեհաստանում և Կոլումբիայում: