Masters 1000. Եզրափակչի մասնակիցները հայտնի են
Մոնտե Կարլոյի «Masters 1000» մրցաշարի եզրափակչի մասնակիցները հայտնի են:
Կիսաեզրափակիչ առաջին խաղում հույն Ստեֆանոս Ցիցիպասը 2 սեթում ՝ 6-2, 6-1 հաշվով պարտության մատնեց Դենիել Էվանսին: 1 ժամ 10 րոպեի ընթացքում Ցիցիպասը մրցակցի մատուցումներից խլեց 5-ը՝ սեփականներից զիջելով միայն մեկը:
Ռաֆայել Նադալին դուրս թողնելուց հետո ռուս Անդրեյ Ռուբլյովը հաղթեց նաև կիսաեզրափակչում: Կասպեր Ռուդը պայքար չառաջարկեց ու պարտվեց 2 սեթում ՝ 3-6, 5-7 հաշվով: 1 ժամ 21 րոպեի ընթացքում Ռուբլյովը մրցակցի մատուցումներից խլեց 5-ը՝ սեփականներից զիջելով երեքը: