Гурт „Разбітае сэрца пацана” з’ехаў у Кіеў
„Нам перакрылі кісларод”.
Апошні канцэрт гурта ў Беларусі „адбыўся” 13 лютага на турыстычнай базе „Аганёк” каля Смалявічаў. Каля 70 маладзёнаў прыехалі паслухаць беларускую музыку. У зале выбіваюцца дзверы і ўрываецца АМАП. На гэтым канцэрт быў скончаны.
„Нам перакрылі кісларод, і мы пастанавілі паспрабаваць у Кіеве. Прыехалі ў выведку, і выведка зацягнулася”, – кажа Дзяніс.
У час кіеўскага локдаўну музыкі здолелі зладзіць адзін бясплатны канцэрт для прыблізна 70 беларусаў: „Усё, як у Менску, толькі не страшна. Нам самым хацелася яго правесці, і мы кайфанулі ад таго, што мы на сцэне, а побач слухачы, якія спяваюць разам з намі”.