Қазақстан ауыр атлетикадан Азия чемпионатында алғашқы алтын медалін алды
Қазақстан құрамасы Ташкентте өтіп жатқан Азия чемпионатында ауыр атлетикадан алғашқы алтынды жеңіп алды, - деп хабарлайды Tengrinews.kz тілшісі Olympic.kz сайтына сілтеме жасап.
55 келіге дейінгі салмақ дәрежесіндегі Арли Чонтей құрама қоржынына алтын медаль әкелді. Ол 255 (115+140) келі көтерді. Екінші орында 244 (108+136) келі нәтижесімен оның командасындағы серіктесі Абылай Әуелханов тұр. Үздік үштікті 240 (108+132) келі көтерген Огабек Нафасов аяқтады.
Айта кетейік, бүгін, 18 сәуірде Игорь Сон мен Зульфия Чиншанло өнер көрсетеді.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!