Яширинча олиб кирилаётган заргарлик буюмлари фош қилинди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Божхона органлари томонидан қимматбаҳо металл ва тошлардан ясалган заргарлик буюмларининг ноқонуний айланмасига қарши самарали кураш олиб борилмоқда. Хусусан, Тошкент халқаро аэропортига хорижий авиарейс билан учиб келган фуқаро А.А. ўрнатилган тартибда шахсий кўрикдан ўтказилди. Натижада, унинг эгнидаги кийими чўнтакларида ва сумкаси ичида божхона назоратидан яширилган ҳамда жисмоний шахслар томонидан божхона тўловларисиз олиб кириш меъёридан ортиқча бўлган 325 гр. кумушдан ясалган заргарлик буюмлари борлиги аниқланди. Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.
