ԱՄՆ-ն մտադիր չէ զիջումների գնալ Իրանի միջուկային ծրագրի հարցում, քանի դեռ իր պահանջները չեն կատարվել. Սալիվան
ԱՄՆ նախագահ Ջո Բայդենի վարչակազմը մտադիր չէ չեղարկել Իրանի դեմ սահմանված պատժամիջոցները, քանի դեռ հիմք չի ունենա մտածելու, որ Թեհրանը լիարժեք կվերադառնա Գործողությունների համատեղ համապարփակ ծրագրի իրականացմանը:
Ինչպես փոխանցում է ՏԱՍՍ գործակալությունը, նման հայտարարությամբ հանդես է եկել ԱՄՆ նախագահի անվտանգության հարցերով օգնական Ջեք Սալիվանը՝ ելույթ ունենալով ամերիկյան հեռուստատեսության եթերում:
Ինչպես նա ընդգծել է, ԱՄՆ-ն չի վերցնի պատժամիջոցները, քանի դեռ չի հավաստիացել առ այն, որ Իրանն ամբողջովին կվերադառնա միջուկային գործարքով սահմանված իր բոլոր պարտականությունների իրականացմանը և կկատարի ամերիկյան կողմի մի շարք պահանջներ: «Քանի դեռ մենք վստահություն չունենք այդ ամենի հարցում, ԱՄՆ-ն որևէ փոխզիջման չի գնա»,- հավելել է պաշտոնյան: