Բիթքոինի փոխարժեքը նվազել է մոտ 12 %-ով ռոկորդային աճ գրանցելուց օրեր անց
Ամենահայտնի թվային արժույթի՝ բիթքոինի փոխարժեքը կիրակի նվազել է մոտ 12 տոկոսով ռեկորդային աճ գրանցելուց օրեր անց: Ինչպես փոխանցում է «ՌԻԱ Նովոստի»-ն՝ մեջբերելով առևտրային աճուրդի տվյալները, բիթքոինի փոխարժեքը ներկա պահին կազմում է 55 000 դոլար:
Ավելի քան 20 բորսայի տվյալներով միջին գինը հաշվող CoinMarketCap պորտալի փոխանցմամբ՝ 13:57-ի դրությամբ թվային արժույթը 11.94 տոկոս գնանկում է արձանագրել՝ հասնելով 54 916 դոլարի:
Թվային արժույթների առևտրային Binance խոշորագույն բորսայի տվյալներով՝ գնանկումը կազմել է 10.82 տոկոս՝ բիթքոինի փոխարժեքը հասցնելով 55 032 դոլարի:
Բիթքոինի փոխարժեքը վերջին անգամ ռեկորդային աճ էր գրանցել ապրիլի 14-ին՝ հասնելով 64 850 դոլարի: