Міжнародны дэмакратычны звяз (IDU) асуджае затрыманне старшыні ПБНФ

Міжнародны дэмакратычны звяз (IDU) выступіў з рашучым асуджэньнем затрымання старшыні Партыі БНФ Рыгора Кастусёва.

Пра гэта гаворыцца ў заяве сусветнага аб’яднаньня правацэнтрысцкіх партый, якая была агучаная 17 красавіка.

“Міжнародны дэмакратычны саюз (IDU) рашуча асуджае затрыманне Рыгора Кастусёва, старшыні нашай сяброўскай партыі – БНФ. Гэта чарговы ўдар рэжыму спадара Лукашэнкі супраць палітычнай апазыцыі ў Беларусі, каб прымусіць замаўчаць голас свабоды і дэмакратыі” – заяўляе Міжнародны дэмакратычны звяз.

IDU патрабуе неадкладнага вызвалення Рыгора Кастусёва, Аляксандра Фядуты, Ігара Лосіка, Марыі Калеснікавай і ўсіх астатніх палітвязняў.

IDU – гэта міжнароднае аб’яднанне правацэнтрысцкіх і кансэрватыўных палітычных партый, у якое ўваходзяць Рэспубліканская партыя ЗША, Кансэрватыўная партыя Вялікай Брытаніі, ХДС і ХСС з Нямеччыны, ды больш за 70 вядучых палітычных партый з розных краінаў свету.