COVID-19-ից «մահացած» հնդկուհին դիակիզվելուց առաջ արթնացել ու սկսել է լաց լինել
76-ամյա հնդկուհին, որն ավելի վաղ մահացած էր ճանաչվել, դիակիզումից առաջ մի ակնթարթ արթնացել է, գրում է FOX 8-ը:
Տարեց կինը, որի մոտ բժիշկները COVID-19 էին ախտորոշել, տնային բուժում էր ստացել: Մայիսի 10-ին նրա ինքնազգացողությունը վատացել էր, և հնդիկ կնոջ ընտանիքը նրան տեղափոխել էր հիվանդանոց, որտեղ նա կորցրել էր գիտակցությունը:
Նկատելով, որ հիվանդը մահացել է, հարազատները նրան տուն էին տարել և սկսել պատրաստվել դիակիզման ավանդական ծեսին: Սակայն արարողությունը չսկսած՝ կինը բացել է աչքերը և սկսել լաց լինել:
Նրան անմիջապես տեղափոխել են բժշկական հաստատություն, որտեղ այժմ բուժում է ստանում: