ՌԴ Արխանգելսկի շրջանում ուղղաթիռ է կործանվել, կան զոհ և վիրավորներ
Ռուսաստանում՝ Արխանգելսկի շրջանի Մուդյունգ կղզու մոտակայքում, վթարի է ենթարկվել «Ռոբինզոն» անվամբ ուղղաթիռ: Այս մասին հայտնում է Gazeta.ru-ն՝ հղում անելով Ռուսաստանի քննչական կոմիտեի Հյուսիս-արևմտյան տրանսպորտային վարչությունը:
«Դեպքի հետևանքով մեկ մարդ զոհվել է, երկուսը վիրավորվել են, ևս մեկը անհետ կորած է»,- ասվում է հաղորդագրության մեջ:
Վասկովոյի օդանավակայանից օդ բարձրացած ուղղաթիռի կործանման մասին հաղորդագրությունը ստացվել է Մոսկվայի ժամանակով 21.25-ին: Քննիչները քրեական գործ են հարուցել երթևեկի անվտանգության կանոնների խախտման և օդային տրանսպորտի շահագործման հոդվածի հիման վրա, ինչը հանգեցրել է մարդու մահվան: Այժմ դեպքի հանգամանքները պարզվում են:
Ավելի վաղ Իրկուտսկի մարզում վթարի էր ենթարկվել ինքնաշեն, թեթև շարժիչով ինքնաթիռ, որի հետևանքով զոհվել էր երկու մարդ՝ օդաչուն ու ուղևորը: