Ավաղ, կապիտուլյանտին հաջողվեց ընդդիմության շրջանում որոշակի տարաձայնություններ առաջացնել․ մի շարք գործիչներ համաձայնեցին գնալ արտահերթ ընտրությունների ճանապարհով․ Էդուարդ Շարմազանով (տեսանյութ)
ՀՀԿ խոսնակ Էդուարդ Շարմազանովը, այսօր հրավիրված մամուլի ասուլիսին անդրադառնալով հայ–ադրբեջանական սահմանին տիրող իրավիճակով պայմանավորված Հայաստանի կողմից պաշտոնապես ՀԱՊԿ դիմնելուն, ասաց, որ ՀՀ այս քայլը մի շարք հարցեր է առաջացնում։
«Լավ ՀԱՊԿ–ում կհարցնեն չէ՞, բա ձեր բանակն ո՞ւր էր, մի հատ օդ կրակե՞լ եք, որ դիմում եք ՀԱՊԿ–ին։ Հիմա էլ ուզում եք Ռուսաստանի ջեբը գցե՞ք»,– ասաց նա և նշեց, որ Ռուսաստանը չլիներ, ՀՀ իշխանություններն ամբողջ Ղարաբաղը արդեն տվել էին։
Ինչ վերաբերում է ընդդիմությանը, Էդուարդ Շարմազանովը նշեց, որ ավաղ կապիտուլյանտին հաջողվեց ընդդիմության մոտեցումների մեջ որոշակի տարաձայնություններ մտցնել։
«Մենք ամենավերջինն ենք հայտարարել, որ գնում ենք ընտրությունների, որովհետև մեզ համար թիվ մեկ խնդիրը սրան հեռացնելն է։ Ես՝ կոնկրետ որպես Էդուարդ Շարմազանով, քաղաքական դաշտում այնքան եմ պայքարելու, մինչև չտեսնեմ նիկոլիզմի հեռացումը։ Նիկոլ Փաշինյանը դարձավ Ադրբեջանին պարտված պետությունից հաղթած պետություն դարձրած հողատու»,–ասաց նա։
Էդուարդ Շարմազանովը նշեց, որ ստեղծված իրավիճակում պետք է համախմբվել։ «Հունիսի 20–ին ով սրան ձայն տա, պետք է գիտակցի, որ ձայն է տալիս Մեհրիբանին և Իլհամին»,– ասաց նա։
ԱԺ նախկին փոխնախագահը նշեց, որ նոյեմբերի 9-ից հետ Հայաստանում ստեղծված վիճակը վճռորոշ է։ «Օրհասական վիճակը եղել է 2018 թվականի մայիսի 8–ից հետո, երբ մենք ասում էինք, իսկ մեզ ասում էին՝ դու ու Աշոտյանը պաշտոնի կռիվ եք տալիս, հիմա ո՛չ ես կամ, ո՛չ Աշոտյանը գնացեք վայելեք»,–ասաց նա։
Նա նշեց, որ իրենք պետք է պայքարեն ոչ թե անձի, այլ նիկոլիզմի դեմ։ «Այս նիկոլիզմը խորհրդանշում է տգիտությունը, անգրագիտությունը, ստախոսությունը, հիմար հպարտությունը, աղանդավորությունը, տրանսգենդերությունը»,–ասաց նա։
Ինչ վերաբերում է խորհրդարանական մասնակցելու իրենց դաշինքի ցուցակին, որում ՀՀԿ որոշ ներկայացուցիչներ չկան, նա ասաց, որ քաղաքական պայքարը միայն խորհրդարանական ցանկում լինելը չէ։ «Ինչ որոշում կայացվել է, դա եղել է մեր համատեղ որոշումը։ Իմ հասցեն չի փոխվում՝ Մելիք Ադամյան 2»,–ասաց նա՝ նկատի ունենալով ՀՀԿ գրասենյակի հասցեն։