Մոսկվայից Երևան վերադարձող Գագիկ Բեգլարյանին ոստիկանությունը բերման է ենթարկել.նա կալանավորվել է
Ոստիկանության ՔՈ գլխավոր վարչության և «Զվարթնոց» օդանավակայանի գծային բաժնի ՔՀԲ ծառայողների ձեռնարկած օպերատիվ-հետախուզական միջոցառումների շնորհիվ մայիսի 17-ին Մոսկվա-Երևան չվերթի ինքնաթիռի ժամանումից հետո ազգային անվտանգության ծառայությանն է հանձնվել 57-ամյա Գագիկ Բ.-ն, որը 2020 թ. մարտի 23-ից ոստիկանության ՔՈԳՎ կողմից հետախուզվում էր ՀՀ քրեական օրենսգրքի 179-րդ (Յուրացնելը կամ վատնելը) և 308-րդ (Պաշտոնեական լիազորությունները չարաշահելը) հոդվածների մեղադրանքով: Այս մասին հայտնում են Ոստիկանությունից։
Խափանման միջոցը՝ կալանք:
Tert.am-ի տեղեկություններով՝ բերման ենթարկվածը Գագիկ Բեգլարյանն է։
Գագիկ Բեգլարյանը եղել է 2002-2008թթ. Երևանի Կենտրոն համայնքի թաղապետը, 2009-2010 թվականներին՝ Երևանի քաղաքապետը, իսկ 2012-2016 թվականներին՝ ՀՀ տրանսպորտի և կապի նախարարը։