«Պատվաստանյութը կյանքեր է փրկում»․ Ռիո դե Ժանեյրոյի Փրկչի արձանը լուսավորվել է պատվաստանյութերի հավասարություն ապահովելու կոչով (լուսանկարներ)
Բրազիլիայի Ռիո դե Ժանեյրո քաղաքում՝ Կորկովադու լեռան գագաթին վեր խոյացող Հիսուս Ամենափրկչի արձանը երեկ «նոր տեսք է ընդունել»։
Ինչպես հաղորդում է Reuters գործակալությունը, հատուկ լուսավորության միջոցով արձանը լուսավորվել է Բրազիլիայի և զարգացող այլ երկրների համար պատվաստանյութերի հավասարություն ապահովելու կոչով։
30 մետրանոց արձանի վրա, մասնավորապես, հայտնվել է «Պատվաստանյութը կյանքեր է փրկում․ միավորում՝ հանուն պատվաստանյութերի» գրությունը։
Գործակալությունը հիշեցնում է, որ հունվարին երկու բուժաշխատողներ արձանի մոտ պատվաստվել են կորոնավիրուսի դեմ՝ այդպիսով Բրազիլիայում մեկնարկելով պատվաստումների արշավը, սակայն այդ ժամանակից ի վեր պատվաստվել է երկրի բնակչության միայն 8 տոկոսը։
Նշենք, որ ավելի վաղ Քրիստոսի արձանի դեմքին պատկերվել էր բժշկական դիմակ։ Նախաձեռնության նպատակն էր կորոնավիրուսի համավարակի պայմաններում խրախուսել անձնական պաշտպանության միջոցների օգտագործումը, ինչպես նաև հարգանքի տուրք էր բուժաշխատողներին: